• Խելացի ակնոցները կարող են արգելվել լողավազաններում և հանդերձարաններում՝ կանանց գաղտնի նկարահանումների պատճառով  

  Մեծ Բրիտանիան քննարկում է լողավազաններում և հանդերձարաններում խելացի ակնոցների օգտագործման արգելքի հարցը՝ կանանց գաղտնի նկարահանումների դեպքերի աճի ֆոնին, որոնք տեղի են ունենում առանց իրենց համաձայնության։ Կառավարությունը ուսումնասիրում է նման սարքերի օգտագործումը սահմանափակելու միջոցներ՝ որպես կանանց և աղջիկների նկատմամբ բռնության դեմ պայքարի մաս, գրում է Daily Mail-ը...

• Ռիչարդ Բրենսոնն ու Ռեյ Դալիոն չեն հանդուրժում բամբասողներին. ինչի՞ համար են միլիարդատերերը պատրաստ աշխատանքից հեռացնել աշխատակիցներին

  Գործընկերների մեջքի հետևում բամբասել սիրող տղամարդիկ վտանգում են սեփական կարիերան։ Այովայի և Նյու Մեքսիկոյի համալսարանների նոր հետազոտությունը ցույց է տվել, որ բամբասող տղամարդկանց պակաս կոմպետենտ են համարում և ավելի հազվադեպ են դիտարկում ղեկավար պաշտոնների համար, քան նույն կերպ վարվող կանանց...

• Դեմքին սպագետտիով լի ափսե է շպրտել. հարսնացուն կատաղել է, երբ ընկերուհին հրաժարվել է գիրանալ

  Հարսնացուն, ընկերուհու պատմելով, պահանջել է, որ նա հարսանիքից առաջ մոտ 54 կիլոգրամ գիրանա, իսկ մերժումից հետո սպագետտիով լի ափսեն շպրտել է նրա դեմքին։ TikTok-ում հրապարակված պատմությունը բուռն արձագանք է ստացել․ հազարավոր օգտատերեր աջակցել են աղջկան, գրում է NYP-ն...

• Փեսան խորանի մոտ անպարկեշտ շոու է սարքել. հարսանեկան համբույրը վերածվել է սկանդալի, հյուրերը շոկի մեջ էին  

  Փեսայի անսովոր վարքագծի տեսանյութը իր սեփական հարսանիքի ժամանակ պայթեցրել է սոցիալական ցանցերը։ Տղամարդը որոշել է նշել իր «այո»-ն բավականին անպարկեշտ ձևով. ավանդական խորանի համբույրի փոխարեն նա դեմքը թաղել է հարսի կրծքի մեջ և սկսել է գլուխը թափահարել։ Այս անպատշաճ վարքագիծը ծիծաղ է առաջացրել հարսի մոտ, բայց նաև զայրացրել է էթիկայի մասնագետներին...

• Երեք ժամ դիմահարդարման և տնային գործերի համար. Ճապոնիայի վարչապետի խոստովանությունը ցնցել է հանրությանը

  Ճապոնիայի վարչապետ Սանաե Տակաիչին հայտարարել է, որ իր աշխատանքային գրաֆիկը զգալիորեն ավելի պահանջկոտ է, քան իր տղամարդ նախորդներինը…

• «Տատիկներին այժմ գրկախառնվելու թույլտվություն է պետք». սկանդալային գովազդը հանվել է քննադատության ալիքից հետո

  Հանրային ծառայության հայտարարությունը (ՀԾ), որը կոչ է անում տատիկ-պապիկներին գրկախառնվելուց առաջ իրենց թոռներից թույլտվություն հարցնել, հակասություններ է առաջացրել Իռլանդիայում…

• Փարավոնները չեն լրացրել պահանջվող փաստաթղթերը. Շոտլանդիայի թանգարանը հեռացրել է մումիաները համաձայնության բացակայության պատճառով  

  Շոտլանդիայում սկանդալ է բռնկվել, որը արժանի է թանգարանային ցուցահանդեսի. Գլազգոյի թանգարանից հանվել են հին եգիպտական մնացորդներ, քանի որ հազարավոր տարիներ առաջ մահացածները հրաժարվել են համաձայնություն տալ իրենց մարմինների հանրային ցուցադրությանը: Այժմ, մումիաների փոխարեն, այցելուներին դիմավորում են բացատրական ցուցանակներ...

• Hermès-ը ուժեղացնում է խանութների անվտանգությունը Ֆրանսիայում տեղի ունեցած անկարգություններից հետո  

  Hermès-ի ֆինանսական տնօրեն Էրիկ դյու Հալգուն իր երրորդ եռամսյակի ֆինանսական արդյունքների ներկայացման ժամանակ հայտարարել է, որ դեռ վաղ է գնահատել անկարգությունների ազդեցությունը բիզնեսի և զբոսաշրջության վրա: Այնուամենայնիվ, ընկերությունը մտադիր է ուժեղացնել անվտանգությունը իր ֆրանսիական խանութներում...

Լոնդոնի հենց սրտում բացվել է Եվրոպայի ամենապաշտպանված և շքեղ մասնավոր պահոցներից մեկը։ Փարկ Լեյնի վրա գտնվող հնագույն առանձնատան ճակատային հատվածի հետևում թաքնված է գերժամանակակից մի գանձապահոց, որտեղ ունևոր հաճախորդները պահում են իրենց զարդերը, էլիտար ժամացույցները, բրենդային պայուսակներն ու այլ թանկարժեք իրեր։ Ամենաարտասովոր «գանձերի» թվում կարելի է հանդիպել Pokémon-ի խաղաքարտերի հավաքածուների և նույնիսկ փափուկ արջուկների։

The Times-ի լրագրող Սայմոն դը Բերթոնն այցելել է IBV International Vaults London և պարզել, թե ինչպես է կառուցված այդ պահոցը, ուր, ըստ տնօրինության հավաստիացումների, կողմնակի անձի մուտքը գործնականում անհնար է։

 Ամրոց՝ հնագույն առանձնատան պատերի ներսում

Պահոցը տեղակայված է Փարկ Լեյն 46 հասցեում գտնվող Stanhope House-ում՝ 1901 թվականին կառուցված պատմական առանձնատանը։ Քարե գարգուլիաներով և դեկորատիվ տարրերով զարդարված գոթական ճակատի հետևում թաքնված է անվտանգության գերժամանակակից համակարգ։

Ներս մտնել հնարավոր է միայն ստուգման մի քանի փուլ անցնելուց հետո։ Այցելուներին դիմավորում են աչքի ծիածանաթաղանթի և մատնահետքերի սկաներները։ Ընկերության գործադիր տնօրեն Շոն Հոուին վստահեցնում է, որ նույնիսկ պահատուփի օրինական տիրոջից արտաքուստ ոչնչով չտարբերվող մարդը չի կարող հաղթահարել նույնականացման այդ համակարգը։

Մուտքից այն կողմ զրահապատ կոնստրուկցիաներով և զանգվածեղ դռներով սրահներն են։ Դրանցից մեկը, որը պատրաստվել է Chubb ընկերության կողմից դեռևս 1945 թվականին, կշռում է շուրջ 3,5 տոննա։ Դրա հետևում տեղադրված է շվեդական արտադրության լրացուցիչ պաշտպանիչ դուռ։

Պահոցի պատերը, հատակն ու առաստաղը պատված են մոտ 25 սանտիմետր հաստությամբ պողպատե թիթեղներով։ Տարածքը շուրջօրյա հսկվում է տեսախցիկներով և սեյսմիկ ակտիվության տվիչներով, իսկ տեսագրությունները միաժամանակ փոխանցվում են Մեծ Բրիտանիայում և Հարավային Աֆրիկայում գտնվող մի քանի հեռակա կենտրոններ։

Ներսում գործում է նաև կրկնակի անցախցի սկզբունքը․ պահոց կարելի է հասնել միայն հաջորդաբար փակվող մի քանի դռներով անցնելուց հետո։ Անվտանգությունն ապահովում են զինված պահակները, որոնց թվում են բրիտանական բանակի էլիտար ստորաբաժանումների նախկին ծառայողներ։

Որքա՞ն արժե հարստության պահպանումը

IBV International Vaults London-ն առաջարկում է տարբեր չափսերի անհատական պահատուփեր։ Ամենափոքր՝ 5 սանտիմետր լայնությամբ պահատուփի տարեկան վարձակալության արժեքը սկսվում է 1000 ֆունտ ստեռլինգից (մոտ 1300 դոլար)։ Հաջորդ չափսի պահատուփն արժե 1250 ֆունտ, իսկ ամենամեծը՝ 40 սանտիմետր լայնությամբ, տարեկան 6500 ֆունտ է։

Առանձնապես ունևոր հաճախորդների համար նախատեսված է ամբողջական սենյակ վարձակալելու հնարավորություն։ Նման շքեղության արժեքը գերազանցում է տարեկան 1 միլիոն ֆունտ ստեռլինգը։

Վարձակալության գնի մեջ ներառված է նաև 100 հազարից մինչև 1 միլիոն ֆունտի ապահովագրություն՝ կախված պահատուփի չափսից։ Ցանկության դեպքում հաճախորդները կարող են ավելացնել ապահովագրական գումարը՝ հասցնելով այն առավելագույնը 100 միլիոն ֆունտի։

Ամենամեծ պահատուփերի տերերին տրվում է ևս մեկ արտոնություն՝ անվճար ուղևորափոխադրում Rolls-Royce-ով։ Լոնդոնի M25 տրանսպորտային գոտու սահմաններում բնակվող հաճախորդները կարող են տարեկան մինչև վեց անգամ օգտվել այս ծառայությունից՝ տնից պահոց և հակառակ ուղղությամբ երթևեկելու համար։

Ի՞նչ են թաքցնում զրահապատ դռների հետևում

Պահպանության հանձնվող ամենապահանջված իրերի շարքում են թանկարժեք ժամացույցները, ոսկին, ոսկերչական զարդերը, արվեստի գործերը, ինչպես նաև Chanel, Hermès, Dior և Louis Vuitton ապրանքանիշերի պայուսակները։

Ընդ որում, աշխատակիցները միշտ չէ, որ գիտեն, թե կոնկրետ ինչ է դրված պահատուփերում։ Ընկերությունն ստուգում է յուրաքանչյուր նոր հաճախորդի ինքնությունը և արգելում անօրինական իրերի պահպանումը, սակայն չի պահանջում բացահայտել պահատուփի պարունակությունը։

Որոշ հաճախորդներ նախընտրում են այնտեղ պահել իրեր, որոնք դժվար է դասել դասական շքեղության առարկաների շարքին։ Նրանցից մեկն իր մեծ պահատուփն օգտագործում է Pokémon-ի խաղաքարտերի հավաքածուի համար, իսկ մյուսն այնտեղ փափուկ արջուկներ է պահում։

Ինչո՞ւ բանկերը հրաժարվեցին նման ծառայություններից

Նոր պահոցի ստեղծումը պատասխանն էր ունևոր հաճախորդների կողմից աճող պահանջարկի, քանի որ նրանց համար գնալով ավելի բարդ է դառնում արժեքավոր իրերի համար հուսալի վայր գտնելը։

2015 թվականին Լոնդոնի Հաթոն Գարդեն թաղամասում տեղի ունեցած աղմկահարույց կողոպուտից հետո, երբ հանցագործները ներխուժեցին բանկային պահոց և անհատական պահատուփերից հափշտակեցին շուրջ 14 միլիոն ֆունտի թանկարժեք իրեր, բրիտանական բանկերն աստիճանաբար սկսեցին հրաժարվել նման ծառայություններ մատուցելուց։

IBV International Vaults-ի հիմնադիրը՝ հարավաֆրիկացի ձեռնարկատեր և հյուրանոցային մագնատ Աշոկ Սևնարայնը, դրանում պրեմիում դասի ծառայություն ստեղծելու հնարավորություն տեսավ։ Մինչ լոնդոնյան մասնաճյուղի բացումը ընկերությունն արդեն գործարկել էր յոթ պահոց Հարավային Աֆրիկայում և մեկը՝ Դուբայում։

Այժմ բրիտանական մայրաքաղաքի ամենահեղինակավոր փողոցներից մեկում՝ պատմական շենքի ճակատի հետևում, գործում է իսկական ստորգետնյա գանձապահոցային համալիր՝ մի վայր, որտեղ միլիարդատերերը կարող են պահել ոչ միայն տոհմական զարդերն ու տասնյակ հազարավոր դոլարներ արժեցող պայուսակները, այլև իրենց հավաքածուների ամենաանսպասելի նմուշները։

Հետևեք NEWS.am STYLE-ին Facebook-ում, Twitter-ում և Instagram-ում